A vindeira semán a biblioteca é protagonista:

  Celebraremos un contacontos coa colaboración duns pais e estará adicado especialmente aos alumnos/as de Infantil e 1º ciclo de Primaria.
        Dia :  martes 13 de decembro
        Hora : 16,15h.

   Ademáis ao día seguinte, mércores, recibiremos ao Carteiro Real que chega para recoller as cartas de todolos nenos; estamos preparando todo para a súa chegada.

¿Qué mellor agasallo para Reis que un conto?

Aquí tedes unhas recomendacións de lecturas coas que os nenos/as disfrutarán de seguro.

¡ Felices festas!

Pronto empezará o servizo de préstamo, xa vos avisaremos do día en concreto, e por iso queremos que coñezades a nosa guía.

hhhkjhh               ka fjakkyyyyyylfañañlañlfañlkds

fak                   GUÍA DA BIBLIOTECA ESCOLAR


1. A BIBLIOTECA: UN MUNDO POR DESCUBRIR
  A biblioteca é un lugar moi especial do colexio.

   Un lugar para saber e coñecer, para ler, para aprender pola túa conta. Un lugar de encontro no que podes informarte de todo o que te interese. A través da lectura e dos libros, a biblioteca permitirate viaxar no tempo e no espacio, visitar épocas remotas, lugares maravillosos e descoñecidos, coñecer xeitos de vida moi diferentes aos nosos, ter noticias de civilizacións lonxanas, de animais sorprendentes, relacionarte cos teus compañeiros… é un lugar para o entretemento, a curiosidade, a imaxinación, para sentir a poesía, para disfrutar de histoiras e lendas. Tamén te ofrece recursos necesarios para o estudo, a realización de traballos e tareas escolares. En resumo: a biblioteca é un mundo por descubrir.

2.- OS USUARIOS

   Poden utilizar a biblioteca escolar os alumnos e alumnas do Centro, así coma o profesorado. O documento que da acceso a todos os materiais e servizos é o carnet da B.E., necesario para realizar préstamos, e que permanecen archivados nela para cando os usuarios o precisen .

3.- OS ESPAZOS

   A B.E. consta de varios espazos ou zonas: zona de préstamo, zona de consulta, zona de lectura e traballo en equipo.

4.- ORGANIZACIÓN DOS FONDOS

   Os Libros Informativos están situados en estanterías altas, ordeadas pola Clasificación Decimal Universal (CDU) e señalizadas mediante carteis que indican a clase á que pertencen: consulta, atlas, manualidadades e experimentos, natureza, educación en valores, arte, música e deporte, xeografíaía, historia e biografías e por último relixión e mitoloxía.

Cada libro leva unha etiqueta branca chamada “tejuelo” na parte inferior do lombo.

   Os Libros de Ficción están clasificados polo nivel lector e por iso levan o “tejuelo” na parte inferior do lombo: vermello para Educación Infantil, amarelo para o Primeiro Ciclo de Educación Primaria, azul para o Segundo Ciclo e verde para o Terceiro Ciclo. Están ordeados alfabéticamente por autor.

Hai distintas sección: Narrativa, Poesía, Teatro, ……..e Cómic.

   As enciclopedias, diccionarios, atlas e libros de consulta non son prestables, xa que deben estar a disposición de todolos usuarios.

 

5.- HORARIOS

   A biblioteca permanece aberta durante o horario lectivo para uso exclusivo do Centro, e polas tardes de 16:00 a 18:00h. de martes a venres.

   Cada grupo de alumnos, co seu titor, ten reservada unha hora semanal para utilizar a biblioteca no seu horario lectivo.

   Polas tardes, nos días señalados funcionará o servizo de préstamo a cargo dos profesores de garda.

6.- POLÍTICA DE PRÉSTAMOS E NORMAS DE FUNCIONAMENTO

• Podes levar como máximo 2 libros durante 15 días. Todos os préstamos que te leves deberán ser anotados no ordenador, para iso necesitas comunicalo ao profesor que corresponda para que seleccione o teu carnet e pase o lector polo código de barras deste e máis do libro. Os alumnos de Educación Infantil e Primeiro ciclo de Primaria deberán vir acompañados dun adulto, de non ser así, non poderán facer uso do servizo de préstamo.

2 libros15  días

• Cando collas un libro da estantería tes que ser coidadoso e deixar o resto dos libros ben colocados, xa que o están por orde alfabética. Outro xeito de seleccionar os libros é a partir do Catálogo da BE que podedes atopar na dirección do no noso blog: http://bibliocurros.blogspot.com

• Cando devolvas o préstamo deberás entregalo aos profesores para que o anoten como devolto no programa informátivo MEIGA que xestiona a biblioteca escolar. Nunca o coloques ti na estantería.

• Recorda que os libros están ordeados dacordo cos seguintes criterios: 1º, color do “tejuelo”, que nos indica o nivel do lector: I-P1-P2-P3 e 2º o apelido do autor. As pegatinas circulares de cor: vermella, amarela, azul e verde, nos dan unha idea aproximada do nivel lector, pero recorda que eres ti o que finalmente decide os libros que vas ler.

• Deberás coidar os libros con todo o esmero posible, son moi caros e algún dos títulos xa nos están dispoñibles nas librerías. Trátaos con coidado, non arrinques ningunha pegatina. Cada lector e responsable dos libros que toma en préstamo e se se deteriora deberá repoñelos.

                                             

  E como cada venres, un grupo de nenos/as pasa a recoller mochilas e cadernos con moita ilusión. Nesta ocasión foi o turno de...

¡¡Dende aquí vese todo estupendamente!!

¡Mochilas en marcha!





 


 

As mochilas viaxeiras

¡Xa están preparadas para ir a túa casa!

    A experiencia das "Mochilas Viaxeiras posta en marcha o curso anterior dun xeito experimental  en algunha das aulas do centro tivo unha excelente acollida por parte das familias, por iso queremos este ano continuar co proxecto ampliando a 9 as unidades participantes. Empezaremos por Educación Primaria e máis adiante irán chegando tamén ás aulas de Educación Infantil.
   Irán de man en man e de casa en casa ao longo dunha semana xa que iniciarán a súa viaxe un venres e regresarán o xoves ao cole para que así outras familias a poidan disfrutar.
   Con este proxecto pretendemos fundamentalmente mellorar o hábito lector do noso alumnado e concienciar ás familias do papel importante que desempeñan no fomento da lectura.

Os cadernos viaxeiros



Os cadernos xa están listos

  

 Este material irá acompañado dun  caderno  onde terá que escribir o seu nome e a data en que recibe a mochila ; pais e fillos, TODOS, podedes participar colaborando cun debuxo, un comentario a cerca dos libros ou as vosas impresións ao respecto desta actividade así como calquera outra suxestión que nos axude a mellorar.